Falei con Suso Fidalgo antonte, por teléfono. Ele andaba por Ourense. O asunto era unha cousa que me interesaba do inglés, da lingua inglesa, vaia. Foi atento e expeditivo, como sempre.
Nada máis despacharmos o tema que me ocupaba pasou ao cine, co que imos andar ás voltas o curso que ven.
- Teño unha presentación sobre os erros e falsidades que se atopan no cine referentes a informacións ou suposicións científicas. ¿Que che parece?
Pois que me ía parecer: Interesantísimo. Hai demasiado pufo e camelo científico agochados detrás de calquera discurso. E nada mellor que un científico e o sentido común para que nos axuden a desenmascaralos.
Ningún comentario:
Publicar un comentario